Apuko Extrem 2014 by Eneko Martin

Egun batzuk pasa dira, hilabete bat osorik iadanik, baina Enekok biziki du gogoan Enkaterriko mendietan bizitakoa. Berarekin batera, Alvaro Sesmero taldekidea ere izna zen. Zuekin bereiaen bizipenak Apuko Extrem mendi lasterketa entzutetsuan:

APUKO EXTREME 3/05/2014

Eneko Martin Ramila

Triatloi luzeetan ibili izan gara Alvaro eta biok azkenengo 5 urte hauetan. Baina aspaldi bageneukan mendiko ultra-trailen bat egiteko gogoa. 2014. urtea izaten ari da erronka horri ekiteko garaia. Apuko Extrem, etxeko froga, izan dugu estrenaldia. Ibilbidea, ia 90 km-takoa izan zen eta 6.000m baino gehiago, orotara, igo eta jeitsi izan behar genuen helmuga gureganatzeko.

Apuko Extrem - Profila

Froga egunaren aurreko arratsaldean, lasterketako bileran, Oskarrek (antolatzailea) Bizkaiko Aldundiak hala behartuta, ibilbidean aldaketak zeudela azaldu zigun.

Froga honen berezitasun  nagusia gogortasuna da, eta aurtengo aldaketen ondoren are gehiago.

Ja,ja... joder !!! Hori izan zen sorpresa. Gainera, jeitsieren artean hiru ziren bereziki kontuz handiz ibilitzeko modukoak .

Horrelakoak entzun ondoren, etxerako bidean sabelean kirioak dantzan nituen, jai ederrean. Rediole!!!

Goizeko 4etan jo behar zuen iratzargailuak. Lo ahal nuen beste edo behintzat ahalik eta gehien deskantsatu, hori zen  buruan neukan leloa.

Pi,pi,pi.... pi,pi,pi.... Heldu da eguna eta ala! ... martxan!

Bostak bost gutxitan Zaramillon elkartu ginen Alvaro eta biok. Ez zen lehenengo aldia, egun luzea bezain gogorra aurretik genuela. Urduri eta lasai aldi berean... orain arte beti lortu izan ditugu gure helburuak. Fedea genuen 16 ordu ondoren, horretan jarraituko genuela.

Eneko eta Alvaro

Goizeko 6retan abian jarri ginen 200 mendizale baino gehiago, beste horren beste frontal dilin-dalan egiten gaueko iluntasunean.

Lasai asko hasi ginen, bideari neurria hartu nahi genion Ganekogortara hurbiltzen. Lainoa, haizea eta hotza lagun izan genituen Ganeko eta Gallarragako gainetan. Ondoren haranera bueltan, La Quadrako lehenengo kontrola pasa genuen. Jan, edan eta aurrera. Eretza genuen zain eta bidea ez zen goxoa izango, suebakiari aurre egin aurretik, malda ederrak dastatu genituen. Eretzako tontorra harrapatzeko lan gazi-gozoak izan nituen.

Beti irribarrea ahoan

“The show must go on” . Tontor lerroa jarraituz Sodupeko plaza izan zen hurrengo etena. Sandwich, banana, Coca-Cola, ura... Sabela bete ondoren Mondona, San Kosme, Ilso, Riano gandorra eta Zalla 55km. osatuta zegoeneko.

Bertan, makarroi bero eskukada bat jan, luzaketak  egin eta motxilan neraman mendi makila prestatu .... bagoaz lan erdiak baino gehiago betetak genituela... Ez gindoazen gaizki, bereziki jeitsieretan jendea aurreratzen genuen.

Ubidea mendia zeharkatu eta Güeñes-ra heldu ginen. Alvaro eta biok muga usaintzen genuen bertatik, azken txanpa mutilak!!!

Eretzako aterpea , azken aurreko malda eta Castaños-era heltzeko berako bidean lokatzean behin eta berriro irriz egiten bakarrik nengoen. Alvaro ez zetorren. Nire indarrak zein ziren frogatu nahi banuen, zirt edo zart egin behar nuen 10 km faltan nituela.

Gorputzari utzi nion egiten, eta erantzuna ederra izan zen. Entrenamendu luzeen emaitza dastatu nuen. Bidea errez egiten zen, gozatuz. Korrikalariaren Nirvana izango zen hura?

Alvaro basoan zehar ibiltari

 

Haize boladek bultzatuko banindute bezala, Apuko maldan gora, tipi-tapa, pauso sendoz. Tontorretik behera, helmugara bidezidor bihurritik Zaramillo gero eta hurbilago zegoen.

Alaitasunez bete-beteta gurutzatu nuen helmuga, ez dut uste erraz ahaztuko dudanik. Gutxitan asmatu dut horren ondo amaitzen.

14 ordu eta 26 minutu marraztu zuen kronometroak. Alvaro laister baten heldu zen. Biok lehenengo ehunen artean sartzea lortu genuen. Lehen aldia izanez, marka itzela.

Eguraldi freskoa izan genuen, menditik gora-behera ibiltzeko oso ona. Antolaketa bikaina. Janari, edari eta animoak ez genituen faltan izan. Lasteketako giroa gustoko izan genuen oso.

Bereziki eskertzekoa izan zen bolondresen debalde egin zuten lana, haientzako eguna ere luzea izan baitzen.

Gure lehenengo Ultra-trail-a nota onaz. Orain berriro aste bete deskantzatu eta Hiru Haundiak prestatzeko entrenamenduetara bueltan. Sei aste ditugu puntu forma zorrozteko. Animoz topera!!! 

Zorionak bikote!